itni muddat baad milay ho!

itni muddat baad milay ho!
kin sochon mien gum phirtay ho?
itnay khaif kion rahtay ho?
her aahat say darr jatay ho
taiz hawaa nay mujh say poocha
ait per kia likhtay rahtay ho?
kaash koi hum say bhi poochay 
raat gaye tak kion jagay ho?
mien darya say bhi darta hon
tum darya say bhi gahray ho
kaun si baat hai tum mien aisi 
itnay achay kion lagtay ho?
peechay murr kar kion dekha tha
patthar ban kar kia taktay ho
jao jeet ka jashan manao 
mien jhoota hon tum sachay ho
apnay shahar kay saray logon say 
meri khatir kion uljhay ho
kahnay ko rahtay ho dil mien
phir bhi kitnay duur kharay ho
raat humien kuch yaad nahi tha
raat buhut hee yaad aye ho
hum say na poocho hijar kay qissay 
apni kaho abb tum kaisay ho
Mohsin tum badnaam buhut ho
jaisay ho phir bhi achay ho